لاہور(سپورٹس رپورٹر)آئی سی سی کرکٹ ورلڈکپ 2023 کی افتتاحی تقریب 4 اکتوبر کو نریندر مودی کرکٹ سٹیڈیم احمدآباد میں ہوگی۔ افتتاحی تقریب میں آئی سی سی، گلوبل کرکٹ باڈی اور بی سی سی آئی کے نمائندگان شریک ہوں گے۔ افتتاحی تقریب میں ثقافتی رنگ دکھائے جائیں گے۔ تمام 10 ٹیموں کے کپتان شرکت کریں گے، تقریب میں کپتانوں کیساتھ میڈیا سیشن کا بھی انعقاد کیا جائیگا۔آئی سی سی بریفنگ سیشن کو کپتانوں کا دن قرار دیگا۔ تمام ٹیموں کے کپتان 4 اکتوبر کی صبح احمدآباد پہنچ جائیں گے۔کرکٹ کے ایک روزہ فارمیٹ کا ورلڈکپ 5 اکتوبر سے شروع ہو رہا ہے۔