لاہور(سپورٹس رپورٹر)پاکستان ہاکی فیڈریشن نے فائیو اے سائیڈ کی ہاکی ٹیم کا اعلان کردیا ہے۔ٹیم میں عبداللہ اشتیاق خان اور علی رضا بطور گول کیپرز، محمد عبداللہ بطور ڈیفینڈر، احتشام اسلم، محمد مرتضی یعقوب بطور مڈ فیلڈر، ارشد لیاقت اور ذکریا حیات کے نام بطور سٹرائیکرز شامل کیے گئے ہیں۔عبدالرحمٰن اور عبدالوہاب بھی ٹیم میں شامل ہونگے جبکہ ٹیم کی قیادت رانا عبدالوحید کریں گے۔ سابق اولمپین وسیم فیروز  ہیڈ کوچ جبکہ لیفٹیننٹ کرنل ریٹائرڈ محمد یامین خان منیجر ہونگے۔ پاکستان ٹیم 29 اگست سے 2 ستمبر تک عمان کے شہر صلالہ میں ہونیوالے فائیو اے سائیڈ ہاکی ورلڈ کپ کوالیفائر ایونٹ میں شرکت کریگی، پاکستان ٹیم آج عمان روانہ ہوگی۔سیکرٹری جنرل پی ایچ ایف حیدر حسین کے مطابق پاکستان ہاکی سکواڈ میں شامل کھلاڑی 28 اگست کو فائیو سائیڈ ہاکی ورلڈ کپ کوالیفائر ایونٹ میں شرکت کیلئے پی آئی اے کی پرواز کے ذریعے اسلام آباد سے سوا 10 بجے دن روانہ ہوں گے۔ فائیو سائیڈ ایشیا کپ میں 11 ٹیمیں شرکت کریں گی جس میں پاکستان، بھارت، افغانستان، انڈونیشیا، ایران، جاپان، بنگلہ دیش، ہانگ کانگ، چین، قازقستان، ملائیشیا اور میزبان ملک عمان کی ٹیمیں شامل ہیں۔