لاہور (سپورٹس رپورٹر) حلقہ کوٹلہ یونین کونسل تلگراں کے سیاحتی مقام پیر چیلہ پر ’’پیر چیلہ سپر لیگ سیزن تھری ‘‘ کرکٹ ٹورنامنٹ اختتام پذیر ہوگیا۔ ٹورنامنٹ میں 12 ٹیموں نے حصہ لیا ، ٹورنامنٹ کے میچز 26، 27 اگست کو کھیلے گئے، یونین کونسل تلگراں سمیت حلقہ کوٹلہ سے شائقین کرکٹ کی بڑی تعداد نے ٹورنامنٹ سے لطف اٹھایا۔ ٹورنامنٹ کا فائنل میچ سید پور بادشاہ اور مارخور الیون تلگراں کرکٹ ٹیموں کے درمیان کھیلا گیا جو سید پور بادشاہ نے جیت لیا۔ فائنل میچ کے موقع پر تقریب تقسیم انعامات کا انعقاد کیا گیا جس کے مہمان خصوصی پاکستان پیپلز پارٹی ضلع مظفرآباد کے جنرل سیکرٹری پرویز مغل ایڈووکیٹ تھے جبکہ تقریب میں سابق صدر ڈسٹرکٹ بار ایسوسی ایشن مظفرآباد ناصر مسعود مغل ایڈووکیٹ ، سنٹرل پریس کلب کے سیکرٹری جنرل بشارت مغل ، سردار شکیل احمد مغل ، ایم ڈی مغل ، راجہ عبد السعید خان  سمیت عوام علاقہ اور شائقین کرکٹ کی بڑی تعداد موجود تھی ، مہمان خصوصی پرویز مغل ایڈووکیٹ کا تقریب میں آمد پر شاندار استقبال کیا گیا ، پھولوں کی پتیاں نچھاور کی گئیں ، ہار پہنائے گئے۔