لاہور(سپورٹس رپورٹر)ایشیا کرکٹ کپ کیلئے سری لنکا نے اپنے 15 رکنی سکواڈ کا اعلان کردیا، داسن شناکا ٹیم کی قیادت کریں گے۔سری لنکا کی جانب سے اعلان کردہ ٹیم میں کوشال مینڈس کو ٹیم کا نائب کپتان مقرر کیا گیا ہے جبکہ پاتھم نسانکا، دیموتھ کرونا رتنے، کوشال پریرا، چریتھ اسالانکا کے نام سکواڈ میں شامل کیے گئے ہیں۔دھننجیا ڈی سلوا، سدھیرا سمارا وکرما، مہیش تھکشانا، دونیتھ ویلا لاگے بھی سکواڈ کا حصہ ہوں گے۔سری لنکن بورڈ کی جانب سے متھیشا پتھیرانا، کسون راجیتھا، دْشان ہیمانتھا، بنورا فرنینڈو اور پرامود مدوشان کو بھی سکواڈ کا حصہ بنایا گیا ہے۔ وانندو ہسارانگا اور دْشمانتھا چمیرا انجری کی وجہ سے سکواڈ میں جگہ نہ بنا سکے۔سری لنکن کرکٹ بورڈ کا کہنا تھا کہ کوشال پریرا فلو کی وجہ سے سکواڈ جوائن نہیں کر سکے، البتہ صحتیاب ہونے کے بعد وہ سکواڈ کو جوائن کریں گے۔ ایشا کپ میں سری لنکا اپنا پہلا میچ 31 اگست کو بنگلادیش کے خلاف کھیلے گا۔