لاہور(نامہ نگار)سپیشل برانچ ہیڈ کوارٹر رابرٹس کلب میں دوران ڈیوٹی بہترین کارکردگی کے حامل افسران و اہلکاروں کے اعزاز میں خصوصی تقریب منعقد کی گئی جس میں ایڈیشنل آئی جی سپیشل برانچ ذوالفقار حمید نے بہترین کارکردگی پر سپیشل برانچ کے 28 افسران کو سی سی ون سرٹیفکیٹس دئیے۔ مختلف ریجنز اور اضلاع سے خدمات سر انجام دینے والے افسران کو بہترین کارکردگی پر تعریفی اسناد سے نوازا گیا، رواں برس 136 افسران کو سی سی ون جبکہ 600 افسران کو سی سی 2 اور سی سی 3 سرٹیفکیٹ دئیے گئے ہیں۔ایڈیشنل آئی جی سپیشل برانچ ذوالفقار حمید نے انعامات حاصل کرنے والے افسران کو مزید محنت سے فرائض ادائیگی کی ہدایت دیتے ہوئے کہا کہ اطلاعات کے بروقت حصول اور ترسیل سے انسداد جرائم کیساتھ ساتھ امن و امان کی فضا کو مزید بہتر بنایا جائے۔