لاہور(سپورٹس رپورٹر)پاکستان ہاکی فیڈریشن کی کانگرنس کا اہم اجلاس آج جمعرات کو اسلام آباد میں ہوگا جس میں ہاکی فیڈریشن کے عہدداران اعتماد کا ووٹ لیں گے۔ ہاکی فیڈریشن نے کانگرنس کا اجلاس بنا کسی وجہ کے ملتوی کر دیا تھا جسے کانگرنس ممبران کی اکثریت نے مسترد کرتے ہوئے کانگرس اجلاس میں شرکت کرنے کا فیصلہ کیا ہے، اجلاس میں فیڈریشن ، چاروں صوبوں سمیت دیگر سٹیک ہولڈرز شرکت کرینگے ۔ وفاقی حکومت کی جانب سے ہاکی فیڈریشن کے صدر اور سیکرٹری کو عہدوں سے معطل کے جانے کے بعد صدر پی ایچ ایف بریگیڈیئر ر خالد سجاد کھوکھر نے تمام فیڈریشن عہدداران کو معطل کرتے ہوئے کانگرس سے اعتماد کا ووٹ لینے کا اعلان کیا تھا۔