لاہور(کامرس رپورٹر) عمران امین سی ای اوروڈا نے کہا ہے کہ راوی شہر جدت کے تمام تقاضوں سے ہم آ ہنگ ہوگا۔ماحولیاتی نظام کو بہتر بنانے کیلئے ہم جدید طریقوں کو اپنا رہے ہیں۔ چہار باغ اور صنعتی زون سائٹ کے ہفتہ وار دورہ پر گفتگو کرتے ہوئے عمران امین کا کہنا تھا کہ راوی شہر کے رہائشی منصوبہ چہار باغ اور انڈسٹریل ایریا میں ہم اس بات کا جائزہ لیا کہ یہاں پرگرین کور، ماحولیات کی مزیدبہتر ی کیلئے کیا فوری اور دیرپا اقدام اٹھائے جاسکتے ہیں۔راوی اربن ڈیویلپمنٹ اتھارٹی کے انڈسٹری زون میں ہونیوالے ایک سروے کے مطابق یہاںدھواں آلودگی ، مشینی شوراور غیر معیاری آب کی وجہ سے ورکر کی صلاحیت اورکام متاثر ہورہا تھاجس کے تدارک کیلئے ماہرین کی مشاورت سے پالیسی بنائی اور عملدرآمد کروارہے ہیں۔