لاہور(سپورٹس رپورٹر)شدید بارشوں  اور خراب موسم کے باعث کولمبو کا وینیو تبدیل کرنے پر غورشروع کردیا گیا ہے۔ کولمبو میں شیڈول میچز دمبولا یا پالی کیلے منتقل کئے جاسکتے ہیں۔اے سی سی نے ممبر بورڈز کا اہم اجلاس طلب کرلیا ہے، اے سی سی آئندہ 24 سے 48 گھنٹوں میں اہم فیصلہ کریگی۔موسم کی وجہ سے ایشیا کپ کے دوسرے مرحلے کو کولمبو سے منتقل کیے جانے کے معاملے پر پاکستان کرکٹ بورڈ نے  تحفظات کا اظہار کردیا۔ذرائع کے مطابق ایشین کرکٹ کونسل ان تحفظات کی روشنی میں اپنا ہوم ورک کریگی اور مختلف آپشنز پر غورکیا جائیگا، ایسا وینیو تلاش کی جانے کی کوشش کی جائیگی جہاں ان دنوں بارشیں نہیں ہو رہیں۔نیا وینیو تلاش کرنے کے بعد ایشین کرکٹ کونسل پی سی بی کو آگاہ کرے گا، اس حوالے سے حتمی فیصلہ کرنے کیلئے بہت جلد اجلاس ہوگا۔