شیخوپورہ(نمائندہ نوائے وقت) مسلم لیگ (ن) کے ضلعی صدر سابق رکن صوبائی اسمبلی و امیدوار پی پی 140 عارف خان سندھیلہ نے کہا ہے کہ سابق وزیر اعظم میاں شہباز شریف نے اپنے 16 ماہ کے اقتدار کے دوران جس انداز میں ملک کو بچانے کیلئے تمام جماعتوں کو اکھٹا کر کے ترقیاتی کاموں سمیت ملک کو بحرانوں سے نکالنے کیلئے پالیسیوں کو اپنایا اس کی مثال نہیں دی جا سکتی، اپنے ایک بیان میں عارف خان سندھیلہ نے کہا کہ وہ دن دور نہیں جب یہ ملک ایک بار پھر اپنے پیروں پر کھڑا ہو گا اور ن لیگ اقتدار حاصل کرنے کے بعد نا صرف مہنگائی بلکہ ملکی معیشت و عوام کو ریلیف فراہم کرنے کیلئے بھرپور کردار ادا کریگی انہوں نے کہا کہ مسلم لیگ (ن)نوازشریف کی قیادت میں پاکستان کو دوبارہ ترقی کی راہ پر گامزن کرے گی۔نواز شریف کی وطن واپسی کی پوری قوم شدت سے منتظر ہے اپنے محبوب قائد کا پاکستان پہنچنے پر شاندار والہانہ پرتپاک استقبال کیا جائے گا ۔