گوجرانوالہ (نمائندہ خصوصی ) بد بخت بیٹے نے گھریلو ناچاقی پر فائرنگ کرکے اپنے باپ کو موت کے گھاٹ اتار دیا ، بتایا گیا ہے کہ واپڈا ٹائون کا رہائشی سعید اور اسکا بیٹا اویس چاول کا کاروبار کرتے تھے ان کا آپس میں گھریلو ناچاقی پر جھگڑا ہو گیا تو اس دوران طیش میں آنیوالے بد بخت بیٹے نے فائرنگ کرکے اپنے باپ کو قتل کردیا اور موقع سے فرار ہو گیا تاہم واقعہ کی اطلاع ملنے پر تھانہ صدر پولیس بھی موقع پر پہنچ گئی ،پولیس نے مقتول کی نعش کو ضروری کاروائی کیلئے ڈسٹرکٹ ہسپتال منتقل کردیا سی پی او محمد ایاز سلیم نے واقعہ کا نوٹس لے لیا ،پولیس نے مقدمہ درج کرکے ملزم کو بھی گرفتار کر لیا ۔