ساہیوال (نمائندہ نوائے وقت) ساہیوال میں مبینہ پولیس مقابلہ میں ایک ڈاکو مارا گیا، دوسرا فرار ۔ تھانہ ڈیرہ رحیم کی حدود145/9-L کے قریب مبینہ پولیس مقابلہ ہوا۔ ترجمان پولیس کے مطابق 3/10-L ہڑپہ کے قریب 2نامعلوم ڈاکوئوں نے ایک شہری سے موٹر سائیکل چھین لی اور نائیوالہ بنگلہ کی طرف فرارہوگئے۔ ریسکیو 15کی اطلاع پر تھانہ ڈیرہ رحیم پولیس نے ناکہ بندی کی اور 145/9-L کے قریب ملزمان نے پولیس کو دیکھتے ہی فائرنگ کی اور پولیس نے بھی جوابی فائرنگ کی۔ نامعلوم ڈاکو اپنے ہی ساتھی کی فائرنگ سے مرا ہوا پایا گیا اور اس سے موٹر سائیکل اور پمپ ایکشن بندوق برآمد ہوئی جبکہ دوسرا ڈاکو فرار ہوگیا۔