کراچی (نوائے وقت رپورٹ) یوم فضائیہ ملک بھر میں ملی جوش و جذبہ سے منایا گیا۔ پاک فضائیہ کے شاہینوں کو خراج عقیدت پیش کیا گیا۔ پاک بھارت 1965ءکی جنگ میں پاک فضائیہ نے جرا¿ت و بہادری اور بے مثال کارکردگی سے دشمن کے حملوں کا منہ توڑ جواب دیکر تاریخ رقم کر دی جس پر پوری قوم آج بھی پاک فضائیہ کے شہداءاور غازیوں کو خراج تحسین پیش کر رہی ہے۔ پاک بھارت 1965ءکا جنگی معرکہ پاک فضائیہ کے بہادر سپوتوں نے جرا¿ت و شجاعت اور پیشہ ورانہ بہترین صلاحیتوں کا مظاہرہ کرکے اپنے نام کیا۔ 6 ستمبر کو بھارت نے جب وطن عزیز پر حملہ کیا تو پاک فضائیہ نے دشمن کو چت کرتے ہوئے منہ توڑ جواب دیا اور وطن عزیز کو ناقابل تسخیر بنا دیا۔ علاوہ ازیں پاک فضائیہ کے بہادر ہوا بازوں کی جانب سے ستمبر 65ءکی جنگ میں جرا¿ت‘ شجاعت اور بہادری کی وہ داستانیں رقم کی گئیں جس پر پوری قوم کو فخر ہے۔ دریں اثناءیوم فضائیہ کے موقع پر نشان حیدر یافتہ راشد منہاس شہید کے مزار پر پروقار تقریب کا انعقاد کیا گیا۔ ایئر وائس مارشل خالد محمود نے راشد منہاس شہید کی قبر پر فاتحہ خوانی کی اور پھول رکھے۔ تقریب میں راشد منہاس شہید کے بھائی انجم منہاس بھی شریک تھے۔