قلعہ دیدار سنگھ: نامعلوم افراد نے گھر کی چھت پر سوئی خاتون کو قتل کر دیا
قلعہ دیدار سنگھ(نمائندہ خصوصی) محلہ شیرے والا میں گھر کی چھت پر سوئی ہوئی پانچ بچوں کی ماں کو نامعلوم شخص نے گولی مار کر قتل کر دیا۔ تفصیلات کے مطابق محلہ شیرے والا کی رہائشی پینتیس سالہ شہزادی گھر کی چھت پر سوئی ہوئی تھی جسے نامعلوم ملزم نے فائرنگ کر کے قتل کر دیا واقع کی اطلاع ملتے ہی گوجرانوالہ پولیس کے اعلیٰ افسر موقع پر پہنچ گئے اور مقتولہ کی نعش کو تحویل میں لیکر پوسٹ مارٹم کےلئے ہسپتال منتقل کیا جبکہ مقتولہ کے والد غلام رسول کی درخواست پر نامعلوم ملزم کے خلاف قتل کا مقدمہ درج کر لیا گیا ہے مقتولہ شہزادی کا شوہر نوید منشیات فروشی کے مقدمہ میں گوجرانوالہ جیل میں قید کاٹ رہا ہے۔
