کراچی (نوائے وقت رپورٹ) ایم کیو ایم کے ڈپٹی کنوینئر انیس قائم خانی نے کہا ہے کہ بلاول بھٹو کے کراچی‘ حیدر آباد کی میئر شپ کے بیان پر دنیا ہنس رہی ہے۔ بلاول بھٹو اپنے بڑوں سے پوچھیں متحدہ کی تاریخ ڈرنے والوں کی نہیں لڑنے والوں کی ہے۔ دنیا جانتی ہے پی پی کی ٹریننگ میں کرپشن اور دھوکے بازی شامل ہے۔ کراچی‘ حیدر آباد کے میئرز پر ترس آتا ہے جنہیں دونوں شہروں کے شہری میئر ماننے کو تیار نہیں۔ لگتا ہے بلاول بھٹو کو ان کے پاپا نے نئی نوکری پر لگا دیا ہے۔