لاہور(نیوز رپورٹر )سابق ڈپٹی اٹارنی جنرل آف پاکستان شیخ انوارالحق نے کہا ہے کہ قائد اعظم محمد علی جناح برصغیر کے مسلمانوں کے محسن عظیم ہیں۔ انہوں نے اس خطے کے رہنے والے خوفزدہ آور مایوس مسلمانوں کو ایک نصب العین دیا اور الگ وطن کے حصول کیلئے آزادی کی تڑپ پیدا کی۔ زندہ قومیں اپنے اسلاف کے کارناموں کو ہمیشہ یاد رکھتی ہیں۔ قائداعظم کے فرمودات اور نظریات ہی ملکی استحکام کی ضمانت ہیں۔ نوجوان نسل کو قائداعظم کی حیات وخدمات سے آگاہ کرنا بہت ضروری ہے۔ پاکستان کا قیام نعمت خداوندی ہے ہمیں اس کی قدر کرنی چاہیے۔