گجرات( نامہ نگار ) ڈپٹی کمشنر صفدر حسین ورک نے یونیورسٹی آف گجرات میں میڈیکل انٹری ٹیسٹ کے لیے قائم امتحانی مراکز کا دورہ کیا، طلباءو طالبات اور والدین کےلئے کئے گئے انتظامات کا جائزہ لیا، ایڈیشنل ڈپٹی کمشنر جنرل افضل حیات تارڑ، اسسٹنٹ کمشنر گجرات حیدر عباس ان کے ہمراہ تھے، ڈپٹی کمشنر صفدر حسین ورک نے کہا امتحانی مراکز میں طلباءو طالبات کے لیے بہترین انتظامات کئے گئے ہیں، والدین کے بیٹھنے کے لیے سایہ دار جگہ، کرسیوں اور پینے کے پانی کا بہترین بندوبست کیا گیا ہے، طلباءو طالبات کے فول پروف سیکورٹی کے سخت انتظامات کئے گئے ۔