لاہور(سپورٹس رپورٹر)پاکستان ویمن بیچ والی بال ٹیم نے اپنا پہلا انٹرنیشنل میچ جیت لیا۔سینٹرل ایشین بیچ والی بال چیمپئن شپ بنگلا دیش میں شروع ہوگئی اور پاکستان ویمن ٹیم نے سینٹرل ایشین چیمپئن شپ میں کرغزستان کو ہرادیا۔پاکستان نے پہلے میچ میں کرغزستان کو 1-2 سے شکست دی۔ پاکستان نے پہلا سیٹ ہارنے کے بعد کم بیک کرتے ہوئے کامیابی حاصل کی۔پاکستان ویمن ٹیم کی کامیابی کا سکور 11-21، 14-21 اور 13-15 رہا۔پاکستان ویمن بیچ والی بال ٹیم عذرا فاروق اور مقدس بخاری پر مشتمل ہے جبکہ پاکستان ٹیم دوسرا میچ ازبکستان کےخلاف کھیلے گی۔