گھوٹکی (نوائے وقت رپورٹ ) گھوٹکی میں موٹر وے ایم فائیو پرگڈو انٹر چینج پرگاڑی اور ٹریلر کے درمیان تصادم کے نتیجے میں 8 افراد جاں بحق ہوگئے۔ موٹر وے پولیس کے مطابق حادثے کا شکار افراد سکھر سے مرید شاخ جا رہے تھے گاڑی اور ٹریلر کے درمیان ٹکر ہوگئی۔ پولیس کا کہنا ہے حادثے میں 2افراد زخمی ہوئے جبکہ جاں بحق ہونے والوں میں3 خواتین اور دو بچے بھی شامل ہیں۔ موٹروے پولیس نے بتایا جاں بحق افراد میں دلہن بھی شامل ہے جس کی 2 روز قبل ہی شادی ہوئی تھی۔