گوجرانوالہ(نمائندہ خصوصی) ماہ ربیع الاول میں گلیاں بازار سجانے کے ساتھ ہمیں اپنے کردار کو بھی سجانا ہو گا۔میلاد مصطفے منانے کا حقیقی تب ہی فائدہ ہو گا جب سیرت مصطفے پر عمل پیرا ہوں۔گے ۔ہمیں ملک میں نظام مصطفے ﷺ کے نفاذ کے لیے جدو جہد کوتیز کرنا ہو گا۔علما و مشائخ اکابرین اہلسنت کے اتحاد کے لیے یکسوئی کیساتھ کام کریں ۔سربراہ پاکستان سنی تحریک انجنئیر محمد ثروت اعجاز قادری کی ہدایت پر گوجرانوالہ میں صوبائی صدر شمالی پنجاب علامہ طاہر رضا قادری،ضلعی صدر ڈاکٹر حبیب الرحمن کی قیادت میں ایمن آبادی گیٹ تا پنڈی بائی پاس میلاد ریلی نکالی گئی۔ ریلی سے خطاب کرتے ہوئے علامہ طاہر رضا قادری نے کہا کہ اتحاد اہلسنت وقت کی اہم ضرورت ہے باہمی اختلافات کی وجہ سے کارکنان اہل سنت سخت پریشان نظرآتے ہیں اتحاد اہلسنت کے لیے ہر اول دستے کا کردار ادا کریں گے۔نفرتوں کو ختم اور محبتوں کو عام کرنے کے لیے ہمیں اپنے اسلاف و نظرئیے پر گامزن ہونا ہو گا۔