لاہور(سپورٹس رپورٹر)ایشیا کپ میں قومی ٹیم کی ناقص کاکرردگی پر سربراہ پی سی بی مینجمنٹ کمیٹی ذکاءاشرف نے کھلاڑیوں پر بڑی پابندی عائد کردی۔ سربراہ پی سی بی مینجمنٹ کمیٹی نے ایشیا کپ میں شکست کے اسباب جاننے کیلئے ہائی پروفائل میٹنگ طلب کرلی ہے جس میں چیف سلیکٹر انضمام الحق، سربراہ کرکٹ کمیٹی مصباح الحق شریک ہوں گے۔اجلاس میں کرکٹ کمیٹی کے ممبر محمد حفیظ اور نامور کرکٹرز بھی شرکت کریں گے جس میں ایشیا کپ کے اہم معرکے میں سری لنکا کے ہاتھوں شکست کے اسباب سامنے لائے جائیں گے۔پی سی بی کے اجلاس میں سامنے آنے والے اسباب کی روشنی میں اہم فیصلے کیے جائیں گے۔قومی کرکٹرز کو پی ایس ایل کے علاوہ صرف ایک اور لیگ کھیلنے کی اجازت ہوگی، پی سی بی نے شق قومی کرکٹرز کے سینٹرل کنٹریکٹ میں شامل کردی ہے۔ذکا ءاشرف کا کہنا ہے کہ پابندی لگانے کا مقصد کھلاڑیوں کو فٹ رکھنا ہے۔