لاہور(سپورٹس رپورٹر)چیئرمین مینجمنٹ کمیٹی پاکستان کرکٹ بورڈ ذکا اشرف نے کہا ہے کہ کھلاڑیوں کے کنٹریکٹس کے معاوضوں اور میچ فیس میں بے حد اضافہ کیا جا رہا ہے تاکہ کرکٹرز کسی اور طرف نہ دیکھیں۔ قومی کرکٹرز کو سینٹرل کنٹریکٹس کے حوالے سے آگاہ کر دیا ہے،کھلاڑیوں کو لیگز کھیلنے کی تعداد کا بھی بتایا گیا ہے، سینٹرل کنٹریکٹس کھلاڑیوں کی بہتری کو مد نظر رکھ کر ترتیب دیے ہیں۔ کرکٹرز کے پاس سینٹرل کنٹریکٹس موجود ہیں، دیکھتے ہیں کب دستخط کرتے ہیں، کھلاڑیوں کے کنٹریکٹس کے معاوضوں اور میچ فیس میں بے حد اضافہ کیا جا رہا ہے تاکہ کرکٹرز کسی اور طرف نہ دیکھیں،کرکٹرز کے ایجنٹس کرکٹرز کو مختلف شقوں پر بات کرنےکا کہتے ہیں، مختلف ایشوز پر بات چیت ہونےکی وجہ سے سینٹرل کنٹریکٹس میں تاخیر ہوئی ہے۔ اے کیٹیگری کے کھلاڑیوں کو صرف دو لیگز کھیلنے کی اجازت ہوگی، ورک لوڈ مینجمنٹ کی وجہ سے پی ایس ایل کے علاوہ دوسری ایک لیگ کی اجازت ہوگی، میگا ایونٹس اور اہم سیریز سے دو ماہ قبل تک کھلاڑی کوئی لیگ نہیں کھیل سکیں گے۔