راولپنڈی (این این آئی + نیٹ نیوز) مسلم لیگ (ن) کے رہنما حنیف عباسی نے پیپلزپارٹی کے بانی و سابق وزیراعظم ذوالفقار علی بھٹو سے متعلق بیان پر معذرت کرلی۔ اپنے بیان میں حنیف عباسی نے کہا میرے بیان سے کسی کی دل آزاری ہوئی تو معذرت خواہ ہوں۔ انہوں نے کہا ذوالفقارعلی بھٹو ایک عظیم رہنما تھے جنہوں نے ایٹمی پروگرام کی بنیاد رکھی مگر المیہ ہے کہ بھٹو کے فلسفے پرکارکردگی کے لحاظ سے عمل نہیں ہوا۔حنیف عباسی نے کہا میرا گزشتہ روز کا بیان پیپلز پارٹی کی کارکردگی سے متعلق تھا۔