شیخوپورہ(نمائندہ نوائے وقت) مسلم لیگ (ن) کے ضلعی صدر سابق رکن صوبائی اسمبلی و امیدوار پی پی 140 عارف خان سندھیلہ نے کہا ہے کہ میاں محمد نواز شریف21 اکتوبر کو پاکستان آ کر انتخابی مہم کی قیادت کریں گے میاں نواز شریف محب وطن لیڈر ہیں ان کی قیادت میں پنجاب سمیت پورے ملک میں (ن) لیگ کامیابی حاصل کرے گی اور میاں نواز شریف چوتھی مرتبہ وزیراعظم بنیں گے ، میاں محمد نواز شریف عنقریب وطن واپس آئیں گے اور آنے والے انتخابات میں پورے پاکستان سے کلین سویپ کر کے ایک مضبوط حکومت بنائیں گے ترقی کا سفر جہاں سے منقطع ہوا تھا وہیں سے شروع کریں گے۔