پہلا ہائیر ایجوکیشن پنجاب انٹر کالجیٹ سپورٹس ایونٹس کی اختتامی تقریب سپورٹس ونگ ڈی پی آئی کالجز پنجاب کے ذیر انتظام گورنمنٹ گریجوایٹ کالج گلبرگ برائے خواتین میں منعقد ہوئی۔مہمان خصوصی جاوید اختر محمود سیکرٹری ہائیر ایجوکیشن پنجاب اور کمشنر ساہیوال ڈویژن شعیب اقبال سید اور سیکرٹریٹ و ڈائریکٹوریٹ سے آئے دیگر افسران اور تعلیمی اداروں کے پرنسپل صاحبان تھے۔ساہیوال ڈویژن 16 گولڈ میڈل کیساتھ پنجاب کا فاتح قرار پائی۔فیصل آباد ڈویژن 10 گولڈ کے ساتھ دوسرے اور لاہور ڈویژن نے 7گولڈ کےساتھ تیسرے نمبر پہ رہا ۔کھلاڑیوں کو مجموعی طور پر 11.75 ملین روپے کی رقم کیش پرائز انعام دی گئی۔ کاشف فراز ڈائریکٹر ایڈمن اور سیکرٹرہائیر ایجوکیشن پنجاب جاوید اختر محمود نے کہا کہ سپورٹس ایونٹ سے طلباءو طالبات کیلئے اچھے مستقبل کی نوید سنائی دے رہا ہے۔ ڈاکٹر نگہت ظفر پرنسپل گورنمنٹ گریجویٹ کالج گلبرگ برائے خواتین اور ان کی ٹیم نے اختتامی تفریب کے بہترین انتظامات کئے تھے ۔