لاہور(سپورٹس رپورٹر)پاکستان نے ایشین گیمز والی بال ٹورنامنٹ کے کوارٹر فائنل میں جگہ بنا لی، سیمی فائنل کیلئے پاکستان کا مقابلہ قطر سے ہوگا۔ چین میں ہونے والے 19 ویں ایشین گیمز کے والی بال ٹورنامنٹ میں قومی ٹیم نے پول ڈی میں اپنا تیسرا لیگ میچ بھی جیت لیا۔پاکستان نے جنوبی کوریا کو 0-3 سے شکست دی، قومی ٹیم نے پہلا گیم 19-25سے جیتنے کے بعد دوسرے گیم میں 22-25 سے کامیابی اپنے نام کی۔ تیسرے گیم میں 20- 25 سے فتح پاکر کوارٹر فائنل میں جگہ بنا لی۔پاکستان کی جانب سے عثمان فریاد اور مراد خان نے شاندار پرفارمنس کا مظاہرہ کیا۔عثمان فریاد نے 20 اور مراد خان نے پاکستان کیلئے 18 پوائنٹس حاصل کیے۔ پاکستان نے افتتاحی میچ میں منگولیا اور دوسرے میچ میں چائنیز تائپے کو شکست دی تھی۔ پاکستان والی بال ٹیم 1994 کے بعد پہلی بار ایشین گیمز میں ٹاپ 6 ٹیموں میں آئی ہے۔ایشین گیمز کے گزشتہ ایڈیشن میں پاکستان کی پوزیشن 8 ویں تھی۔کل24 ستمبر کو شیڈول کوارٹر فائنل میں پاکستانی ٹیم کا مقابلہ قطر سے ہوگا۔