ننکانہ: پولیس کی کارروائی‘ 3 ملزم گرفتار‘ منشیات اور پتنگیں برآمد
ننکانہ صاحب(نامہ نگار)پولیس کی کارروائی، ایک پتنگ فروش اور دو منشیات فروشوں کو گرفتار کر کے 500 پتنگیں برآمد کر لی گئی۔ تفصیلات کے مطابق تھانہ سٹی ننکانہ پولیس نے کاروائی کرتے ہوئے دو منشیات فروشوں سجاد عرف ٹیٹو اور شعبان عرف سکھو کو گرفتار کر کے ملزمان کے قبضہ سے منشیات برآمدکرلیں جبکہ پولیس تھانہ صدر شاہکوٹ نے پتنگ فروش محمد جمیل کو پکڑ کر ملزم کے قبضہ سے 500 پتنگیں برآمد کرلیں، پولیس نے متعلقہ تھانوں میں ملزمان کے خلاف مقدمات درج کر لیے۔
