لاہور ( خصوصی نامہ نگار )جامعہ نعیمیہ کے زیراہتمام میلاد النبی کاسالانہ جلوس نکالا گیا۔ جلوس جامعہ نعیمیہ سے شروع ہوکر گڑھی شاہو،کوئین میری کالج روڈ،پریس کلب اورپولیس لائن سے ہوتاہوا بی بی پاکدامن کے مزار پر اختتام پذیر ہوا۔ جلوس کی قیادت ناظم اعلیٰ جامعہ نعیمیہ علامہ ڈ اکٹر راغب نعیمی نے کی۔علامہ ڈاکٹر راغب حسین نعیمی نے کہا کہ سیرت النبی پوری انسانیت کیلئے مشعل راہ ہے۔ اسوہ رسول پر عمل پیرہوکر معاشرے کو امن کا گہوارہ بنا یا جا سکتا ہے۔ میلاد النبی، اسلامی دنیا کیلئے خوشی اور فرحت کا باعث ہے۔حضور اقدسکے آمد پر دنیا میں نئی روشنی چمک گئی۔ آپ نے ہمیں روشنی اور ہدایت کا راستہ دکہایا گیا۔ ہمیں ان کے سیرت اور ان کے اعمال کو گہرائی سے سمجھنا چاہیے تاکہ ہم ان سے مستفید ہو سکیں۔ میلاد النبی کے موقع پر ہمیں اتحاد و تفہیم کی ترویج کرنی چاہیے۔