اسلام آباد(خبرنگارخصوصی) پاک فوج کی جانب سے سیلانی ویلفیئر کے تعاون سے رواں ماہ کے دوران 8 مفت میڈیکل کیمپس کا انعقاد کیا گیا۔ پاک فوج نے چشتیاں، بہاولنگر اور منچن آباد میں مفت میڈیکل کیمپس منعقد کیے۔ میڈیکل کیمپس میں جنرل، آئی، گائینی اور چائلڈ او پی ڈیز کا انتظام کیا گیا۔ چشتیاں اور منچن آباد کے مفت میڈیکل کیمپس میں کل 7001 مریضوں کا علاج کیا گیا۔ آئی او پی ڈی میں 3349، جنرل میڈیکل او پی ڈی میں 1829، چائلڈ او پی ڈی میں 522، گائینی میں 481 مریضوں کا علاج کیا گیا جبکہ 818 کیٹرایکٹ سرجریز بھی کی گئیں۔ میڈیکل کیمپس میں 818 مریضوں کو مفت نظر کی عینک بھی فراہم کی گئیں جبکہ مریضوں کو مفت دوائیاں بھی فراہم کی گئیں۔ دریں اثنائ منچن آباد، بہاولنگر اور چشتیاں کی عوام نے پاک فوج کی بے لوث خدمت کو خوب سراہا اور مفت میڈیکل کیمپس کے انعقاد پر شکریہ ادا کیا۔