فیصل آباد(نمائندہ خصوصی) بارش کے دوران کرنٹ لگنے سے دو افراد جاں بحق جبکہ خستہ حال چھت گرنے سے ماں بیٹی زخمی ہوگئیں۔ تفصیل کے مطابق محلہ فتح آباد میں کھڑے بارش کے پانی میں بجلی کی تار ٹوٹ کر گری تھی کہ اسی دوران جاوید وہاں سے گزرا تو اسے کرنٹ لگ گیا اور موقع پر ہی جاں بحق ہوگیا۔ جبکہ زیر تعمیر مکان میں کام کے دوران کرنٹ لگنے سے مستری ذاکر بری طرح جھلس کر موقع پر ہی جاں بحق ہوگیا۔ ملت روڈ پر گیموں والا چوک میں افضل کے گھر کی خستہ حال چھت بارش کے دوران گر گئی جس کے نتیجے میں افضل کی بیوی زینب بی بی اور بیٹی عروج ملبے تلے دب کر شدید زخمی ہوگئیں۔ زخمی ماں بیٹی کو علاج معالجہ کے لئے ہسپتال منتقل کیا گیا۔