لاہور(سپورٹس رپورٹر)افغانستان کرکٹ ٹیم ورلڈکپ 2023میں شرکت کیلئے بھارت پہنچ گئی،افغانستان کرکٹ ٹیم جنوبی افریقہ کےخلاف پہلا وارم اپ میچ کھیلے گی جس کیلئے افغان کرکٹرز بھارت پہنچ گئے ہیں،افغانستان کی ٹیم کے بھارت پہنچنے پر لی گئی تصاویر بھی افغانستان کرکٹ بورڈ کے ایکس اکاﺅنٹ پر شیئر کی گئی ہیں۔ورلڈ کپ میں شرکت کیلئے بھارت جانے سے قبل افغان کرکٹرز سے اہم طالبان لیڈر انس حقانی نے ملاقات کی ہے، بھارت روانگی سے قبل افغانستان کرکٹ بورڈ کے ڈائریکٹر جنرل نے کھلاڑیوں کے ساتھ میٹنگ کی جس میں طالبان کے اہم رہنما انس حقانی نے بھی شرکت کی، اس موقع پر ورلڈ کپ میں اچھی کارکردگی کیلئے خصوصی دعا بھی کروائی گئی۔ متحدہ عرب امارات میں 10روز ٹریننگ کے بعد افغانستان کی کرکٹ ٹیم ورلڈ کپ میں شرکت کیلئے بھارت روانہ ہوئی۔