کراچی (نوائے وقت رپورٹ) شاہ فیصل کالونی میں دو ڈکیت شہریوں کے ہتھے چڑھ گئے۔ مشتعل شہریوں نے دونوں مبینہ ڈکیتوں کو کھمبے سے باندھ کو بہیمانہ تشدد کا نشانہ بنانے کے بعد پولیس کے حوالے کر دیا۔ شاہ فیصل کالونی تین نمبر فیصل غفور مسجد کے قریب ڈاکو¶ں کو پکڑا گیا۔ عینی شاہدین کے مطابق ڈاکوو¿ں نے راہ گیر خاتون سے لوٹ مار کی کوشش کے دوران فائرنگ کی۔ ڈاکوو¿ں کی فائرنگ سے خاتون معجزانہ طور پر بچ گئی۔ علاقہ مکینوں نے جمع ہو کر دونوں ڈاکوو¿ں کو پکڑ لیا۔ شاہ فیصل کالونی پولیس کے مطابق پکڑے جانے والے ڈکیتوں کی شناخت فہد اور محمد بلال کے نام سے کی گئی۔ گرفتار ڈکیت جامعہ ملیہ کے رہائشی ہیں اور ان کے قبضے سے ایک نائن ایم ایم پستول بھی برآمد ہوئی ہے۔ ملزمان کے خلاف مقدمہ درج کر کے تفتیش شروع کر دی گئی ہے۔