لاہور(سپورٹس رپورٹر) پاک چائنہ دوستانہ کرکٹ میچ دوستی نے جیت لیا‘ پاک چائنہ گرین نے پاک چائنہ ریڈ کو 9 وکٹوں سے مات دےدی۔ کرکٹ میچ 2023 چین میں جاری ایشین گیمز میں کرکٹ کی واپسی کے پس منظر میں 72 سال پر محیط پاک چین تعلقات کی نئی جہت کا نشان بنا ہے۔ چینی قونصلیٹ لاہور اور انسٹی ٹیوٹ آف انٹرنیشنل ریلیشنز اینڈ میڈیا ریسرچ کے اشتراک سے منعقد کیا گیا۔ پاک چائنا ٹیم ریڈ کی قیادت لو جیانکسو نے کی اور پاک چائنا ٹیم گرین کی قیادت یاسر حبیب خان نے کی۔ تقریب میں پی سی بی مینجمنٹ کمیٹی ذکاءاشرف مہمان خصوصی تھے جبکہ چین کے قائم مقام قونصل جنرل لاہور کاو مہمان خصوصی تھے۔ لاہور قلندرز کے مالکان عاطف رانا اوثمین رانا، مصباح الحق، ندیم خان، جنید ضیاء، خواجہ ندیم احمد، معظم کلیئر، فخر شاہ، محمد مہدی اور صدر یاسر حبیب خان بھی موجود تھے۔چین کے قائم مقام قونصل جنرل لاہور کاو کے نے کہا کہ ایک اور منفرد پہلو جو چین اور پاکستان کو متحد کرتا ہے وہ کرکٹ سے ہماری مشترکہ محبت ہے۔ خواہش ہے پاکستان ٹیم ایشین گیمز کافائنل جیتے۔