لاہور(نامہ نگار)پیپلز پارٹی وسطی پنجاب کے قائمقام صدر رانا فاروق سعید نے کہا ہے کہ پیپلز پارٹی پنجاب میں سیٹ ایڈجسٹمنٹ نہیں کرےگی۔ضلعی تنظیمیں پارٹی کے ٹکٹ ہولڈرز کی کارکردگی اور سرگرمیوں پر نظر رکھیں۔وہ گزشتہ روز پیپلز پارٹی سینٹرل سیکرٹریٹ ماڈل ٹاو¿ن میں لاہور اربن،رورل اور گوجرانوالہ ڈویڑن کے ضلعی اور ڈویڑنل صدور کے ہنگامی زوم اجلاس سے خطاب کر رہے تھے۔اجلاس میں شریک پارٹی رہنماو¿ں شہزاد سعید چیمہ،اسلم گل، چودھری ضیاء محی الدین،اعجاز سمہ،جاوید اکبر ڈوگر،ملک وزیر اعوان،شہباز خان،آصف ناگرہ،حسنین شاہ،امجد جٹ،ودود ڈار نے چیئرمین بلاول بھٹو کی عوامی رابطہ مہم اور عام انتخابات کی تیاریاں پر تبادلہ خیال کیا۔