لاہور(سپورٹس رپورٹر)ایشین گیمز کے سکواش مینز ایونٹ میں پاکستان ٹیم نے آخری گروپ میچ بھی باآسانی جیت لیا ۔پاکستان ٹیم سیمی فائنل میں پہلے ہی پہنچ چکی تھی بلکہ اس کا ایک میڈل بھی یقینی ہوگیا ہے۔ آخری گروپ میچ میں پاکستان نے کویت کو 0-3 سے شکست دی۔ عاصم خان، نور زمان اور ناصر اقبال نے کامیابیاں حاصل کیں۔عاصم نے عبداللہ المزائین کو 9-11، 7-9 اور 9-11 سے شکست دی جبکہ نور زمان عمار الطمیمی کے خلاف 7-11، 6-11، 11-6 اور 11-13 سے فاتح ٹھہرے۔ ناصر اقبال نے فلاح محمد کو سنسنی خیز مقابلے میں 6-11، 8-11، 11-8، 11-9 اور 0-11 سے شکست دی۔گروپ راو¿نڈ میں پاکستان ناقابل شکست رہا اور سیمی فائنل میں پہنچ چکا ہے۔ سیمی فائنل تک رسائی کے ساتھ پاکستان کا ایک میڈل یقینی ہوگیا۔