لاہور(سپورٹس رپورٹر) پاکستان کرکٹ بورڈ نے ورلڈ کپ 2023ءمیں شرکت کرنے والوں سے متعلق ویزا پالیسی پر انٹرنیشنل کرکٹ کونسل کو خط لکھ دیا۔پی سی بی کی جانب سے لکھے گئے خط میں کہا گیا ہے کہ بھارت نے ورلڈ کپ کور کرنے والے صحافیوں کی ویزا درخواستیں ابھی تک وصول نہیں کیں، شائقین کرکٹ میں بھی بے چینی بڑھ رہی ہے، ویزا پالیسی کے حوالے سے واضح کیا جائے۔ آئی سی سی جلد صحافیوں اور کرکٹ فینز کو ویزے جاری کرنے کیلئے اقدامات کرے، ورلڈ کپ شروع ہونے میں صرف4 دن باقی ہیں، پاکستان کو اپنا پہلا میچ 6 اکتوبر کو کھیلنا ہے۔