بہاولپور‘ بورے والا میں ٹریفک حادثات‘ 5 افراد جاں بحق
بہاولپور + بورے والا (نوائے وقت رپورٹ+ نمائندہ نوائے وقت + نامہ نگار) چنی گوٹھ بہاولپور کے قریب لیاقت پور روڈ پر بس اور کار کے درمیان خطرناک تصادم کے نتیجے میں 3 افراد زخموں کی تاب نہ لاتے ہوئے جان کی بازی ہار گئے۔ علاوہ ازیں بورے والا کے نواحی گاﺅں 431 ای بی کے قریب تیز رفتار مسافر بس نے دو نوجوانوں کو کچل ڈالا ۔ دونوں نوجوان موٹر سائیکل پر جا رہے تھے‘ مزمل اور محمد احمد دونوں نوجوان موقع پر ہی جاں بحق ہو گئے جبکہ ڈرائیور موقع سے فرار ہو گیا۔ واقعہ بس ڈرائیور کی تیز رفتاری کے باعث پیش آیا۔
