کراچی میں شہریوں کی فائرنگ سے 3مبینہ ڈاکو ہلاک‘ 4 زخمی
کراچی (نوائے وقت رپورٹ) ڈکیتی کی وارداتوں پر قابو پانے میں پولیس کی ناکامی کے بعد شہری کھل کر سامنے آگئے۔ نامعلوم شہریوں نے ایک ہی رات میں مختلف علاقوں میں فائرنگ کر کے 3 مبینہ ڈاکوﺅں کو ہلاک اور 4 کو زخمی کر دیا اور اپنا لوٹا ہوا سامان لے کر پولیس کو اطلاع دیے بغیر چلے گئے۔ جیل چورنگی پل کے نیچے ہفتہ اور اتوار کی درمیانی شب فائرنگ سے 2 افراد ہلاک اور ایک زخمی ہوگیا۔ ہلاک و زخمی ہونے والوں کو جناح ہسپتال منتقل کیا گیا۔ ایس ایچ او نیو ٹاﺅن سب انسپکٹر عقیل احمد نے بتایا کہ ہلاک ہونے والا 25 سالہ شخص مبینہ طور پر ڈاکو ہے جس کی فوری طور پر شناخت نہیں کی جا سکی۔
