لاہور(سپورٹس رپورٹر)ایشین گیمزکے کرکٹ مقابلوں میں افغانستان نے پاکستان کو 4 وکٹوں سے ہراکر فائنل کھیلنے کا اعزاز حاصل کرلیا جہاں اس کا مقابلہ بھارت سے ہوگا ۔بھارت نے پہلے سیمی فائنل میں بنگلہ دیش کو 9 وکٹوں سے ہرایا،پاکستان شاہینز کانسی کے تمغے کیلئے بنگلہ دیش سے مقابلہ کرینگے۔چین کے شہر ہانگزومیں مینز کرکٹ کے دوسرے سیمی فائنل میں پاکستان شاہینز ٹیم 18 اوورز میں 115 رنز بناکر آو¿ٹ ہوگئی۔ افغانستان نے17.5 اوورز میں چھ وکٹوں پر مطلوبہ سکور پورا کرلیا۔پاکستان کی اننگز میں عمیر یوسف24 رنز بناکر ٹاپ سکورر رہے۔ایشین گیمز کبڈی کے سیمی فائنل میں پاکستان کو بھارت کے ہاتھوں شکست ہوگئی،سیمی فائنل میں بھارت نے پاکستان کو 14-61سے شکست دے کر فائنل میں جگہ بنالی،سیمی فائنل میں پاکستانی ٹیم بھارت کےخلاف 12مرتبہ آل آﺅٹ ہوئی اور پاکستان ٹیم حریف کےخلاف ایک آل آﺅٹ پوائنٹ بھی نہ لے سکی،سیمی فائنل میں بھارت کے ہاتھوں شکست کے بعد پاکستان ٹیم براﺅنز میڈل کی حقدار قرار پائی۔