فیصل آباد‘ 2 خواتین‘ پھولنگر‘ ڈسکہ میں 2 بچوں سے زیادتی‘ ملزم گرفتار
فیصل آباد + پھولنگر + ڈسکہ (نمائندگان خصوصی + نامہ نگاران) اوباش افراد نے سبز باغ دکھا کر دو خواتین کو زیادتی کا نشانہ بنا ڈالا۔ تھانہ رضاآباد کے علاقہ عباس نگر کے رہائشی فیروز اختر نے بتایا کہ ملزم ریاض نے اس کی بیٹی (م) کو نکاح کرنے کا جھانسہ دیکر گھر سے بلا کر بے آبرو کر دیا۔ تاندلیانوالہ کے علاقہ 399 گ ب کے رہائشی امین کی بیٹی (پ) کو ملزم فیض نے ہوس کا نشانہ بنا ڈالا۔ پولیس نے مقدمات درج کر لئے۔ پھول نگر سے نامہ نگار کے مطابق پھول نگر ڈی پی او قصور کی ہدایت پر تھانہ سٹی پولیس ایس ایچ او ثقلین کی بروقت کارروائی شاگرد سے زیادتی کرنے والا امام مسجد گرفتار۔ تھانہ سٹی پولیس نے شاہد کو گرفتار کر لیا۔ تھانہ سٹی پھولنگر کے ایس ایچ او نے اپنی ٹیم کے ہمراہ چھاپہ مار کر 8 سالہ بچے آصف سے زیادتی کرنے والے ملزم امام مسجد شاہد کو گرفتار کر لیا۔ ڈسکہ سے نامہ نگار/ نمائندہ خصوصی کے مطابق تین اوباش ملزموں نے بچے کو اجتماعی زیادتی کا نشانہ بنا ڈالا۔ تھانہ صدرکے علاقہ چھانگا کے خلیل کا بیٹے کو ملزمان حسن ‘غزالی اور گاما اپنے ساتھ ورغلا پھسلا کر گھر لے گئے۔ تھانہ صدر پولیس نے مقدمہ درج کر لیا ہے۔
