مظفر گڑھ (نوائے وقت رپورٹ) موٹرسائیکلوں میں تصادم سے 4 افراد جاں بحق جبکہ 2 شدید زخمی ہوگئے۔ افسوسناک حادثہ مظفرگڑھ کے علاقے سلطان میں تارے والی پل کے قریب پیش آیا جہاں دو تیز رفتار موٹرسائیکوں میں تصادم ہوگیا، حادثے میں سڑک پر گرنے والے افراد کو پیچھے سے آنیوالی ٹریکٹر ٹرالی نے کچل ڈالا۔ ریسکیو 1122 کے مطابق حادثہ تیز رفتاری کے باعث پیش آیا، زخمیوں کو طبی امداد کے بعد ہسپتال منتقل کردیا گیا۔