حیدر آباد (نوائے وقت رپورٹ) گدو ناکہ حسین آباد کے قریب ماں بیٹا دریائے سندھ میں ڈوب گئے۔ افسوسناک واقعہ حیدر آباد میں گدو ناکہ حسین آباد کے قریب پیش آیا جہاں 8 سالہ بچہ کھیلتے ہوئے دریا میں ڈوب گیا جسے بچانے کیلئے ماں بھی پانی میں کود پڑی۔ اطلاع ملتے ہی ریسکیو ٹیم جائے وقوعہ پر پہنچ گئی۔ ریسکیو ٹیم اور مقامی غوطہ خوروں نے 8 سالہ بچے کو زندہ بچالیا تاہم ماں ڈوب کر جاں بحق ہوگئی جس کی لاش کو دریا سے نکال لیا گیا۔ ریسکیو حکام کے مطابق ماں اور بیٹا دونوں دریا کے کنارے پر رہائش پذیر تھے۔