لاہور(سپورٹس رپورٹر) 67 ویں قومی ہاکی چیمپئن شپ کے پہلے روز پانچ میچ کھیلے گئے۔پہلے میچ میں پولیس نے بلوچستان بی کو تین ایک گول سے مات دی۔ دوسرا میچ پاکستان کسٹم اور اور سندھ بی کی ٹیموں کے مابین کھیلا گیا جو کہ پاکستان کسٹم نے ایک کے مقابلے میں دس گول سے جیت لیا۔تیسرے میچ میں خیبر پختونخواہ بی اور صوبہ سندھ اے کی ٹیمیں مدمقابل تھیں ‘ میچ سندھ اے نے ایک کے مقابلے میں پانچ گول سے جیت لیا۔ چوتھے میچ میں پنجاب بی نے گلگت بلتستان کو ایک کے مقابلے میں 10 گول سے مات دےدی۔ پانچویں اور آخری میچ میں ماڑی پیٹرولیم نے آرمی کو ایک کے مقابلے میں دو گول سے مات دےدی۔