لاہور(سپورٹس رپورٹر)ندا ڈار کی قیادت میں پاکستان کی خواتین کرکٹ ٹیم کا اعلان کردیا گیا۔پاکستانی ٹیم20 اکتوبر کو بنگلہ دیش روانہ ہوگی جس میں وہ محدود اوورز کے 6 میچ کھیلے گی جن میں آئی سی سی چیمپئن شپ کے 3 ون ڈے انٹرنیشنل بھی شامل ہیں۔ شیڈول کا اعلان بنگلہ دیش کرکٹ بورڈ بعد میں کرےگا۔ٹیم میں ارم جاوید کی ایک سال بعد واپسی ہوئی ہے۔شوال ذوالفقار اور سیدہ عروب شاہ کو ڈراپ کردیا گیا۔ فاطمہ ثناءابھی تک مکمل فٹ نہیں ہوسکی ہیں۔