لاہور(سپورٹس رپورٹر)آئی سی سی کرکٹ ورلڈ کپ 2023ءکے میچز بھارت کی میزبانی میں کھیلے جا رہے ہیں، ایسے میں شائقین کےلئے خصوصی ٹکٹوں کا بھی اہتمام کیا گیا ہے۔ لکھنو کے اٹل بہاری واجپائی ایکانا سٹیڈیم میں شائقین کےلئے خصوصی ٹکٹ جاری کیا گیا ہے، جس کی قیمت 16 لاکھ روپے رکھی گئی ہے، ایک ٹکٹ میں مختلف سہولیات کو شامل کیا گیا ہے، جس میں سب سے اہم یہ ہے کہ اس ایک ٹکٹ سے آپ پانچ میچز براہ راست دیکھ سکتے ہیں۔اگر آپ یہ ٹکٹ خریدتے ہیں تو آپ کو ایک لگڑری کارپوریٹ باکس الاٹ کیا جائےگا، جس میں 16 افراد بیٹھ کر میچ کو انجوائے کرسکتے ہیں۔شائقین کو فائیو اسٹار ہوٹل جیسی سہولتیں فراہم کی جائیں گی، سٹیڈیم اسٹاف کا کہنا ہے کہ فی الحال ایسے سارے ٹکٹس فروخت ہوچکے ہیں۔