گلگت (این این آئی)گلگت سے40 کلو میٹر دور سیاحتی مقام وادی  نلتر بالا کے قریب موٹر سائیکل خطرناک موڈ کاٹتے ہوئے پھسل کر گہری کھائی میں جا گری۔  المناک حادثے میں موٹر سائیکل پر سوار  2  نوجوان جان بحق ہوگئے۔ اطلاع ملتے ہی گلگت بلتستان ایمرجنسی سروس ریسکیو 1122کے اہلکار مورچری وین اور دیگر ضروری آلات سمیت جائے حادثے پر پہنچے اور جاں بحق ہونے والوں کو پولیس اور علاقے کے رضاکاروں کی مدد سے ریسکیو کیا اور مورچری وین منتقل کر کے  نومل پولیس تھانہ منتقل کر دیا ہے۔ابتدائی اطلاعات کے مطابق ہلاک والوں میں سے ایک کا تعلق فیصل آباد سے ہے جبکہ دوسرا فرد کراچی کا باشندہ بتایا جا رہا ہے جو سیر و تفریح کےلئے نلتر جا رہے تھے ۔