لاہور(سپورٹس رپورٹر ) احمد آباد میں پاکستان بھارت میچ کی وجہ سے سکیورٹی ہائی الرٹ رہی وہیں شہر کو نو ڈرون زون قرار دیا گیا۔ احمد آباد پولیس نے نوٹیفکیشن جاری کیا تھا۔ شہر پر ڈرون کے اڑانے کےساتھ ہاٹ بلون اور جنگی جہاز اڑانے پر بھی پابندی عائد کی گئی تھی۔پابندی سکیورٹی کے پیش نظر لگائی گئی کیونکہ دہشتگرد تنظیمیں یا سماج دشمن عناصر میچ کے دوران چھوٹے طیاروں یا ڈرونز کا استعمال کرکے کرکٹرز اور تماشائیوں کیلئے خطرہ بن سکتے تھے۔