کراچی (اے پی پی)پاکستان پیپلز پارٹی کے چیئرمین بلاول بھٹو زرداری نے کہا ہے کہ راشد ربانی مرحوم ان جیالوں میں سے ایک تھے، جو پارٹی کے لیے ریڑھ کی ہڈی کی حیثیت رکھتے تھے۔میڈیا سیل بلاول ہاوس کی جانب سے جاری بیان کے مطابق بلاول بھٹو زرداری نے پارٹی کے سرکردہ رہنما راشد ربانی مرحوم کو ان کی تیسری برسی پر خراج عقیدت پیش کرتے ہوئے کہا کہ راشد ربانی مرحوم کی پارٹی کے لیے خدمات اور جمہوریت کے لیے قربانیاں طویل ہیں۔انہوں نے کہا کہ آمریت کی سیاہ راتیں ہوں یا دہشتگردی کے بدترین دن، راشد ربانی مرحوم ان جیالوں میں سے تھے جنہوں نے کراچی میں پارٹی پرچم کو کبھی سرنگوں نہیں ہونے دیا۔انہوں نے کہا کہ راشد ربانی مرحوم پارٹی قیادت اور جیالوں کی دلوں میں ہمیشہ زندہ رہیں گے۔انہوں نے اپیل کی کہ راشد ربانی مرحوم کی برسی کے موقع پر پارٹی عہدیداران و کارکنان اپنے مرحوم ساتھی کی مغفرت اور ایصال ثواب کے لیے دعا کریں۔
بلاول