بھارتی ریاست مہاراشٹر میں منی بس، ٹرک سے ٹکرا گئی، 12 افراد ہلاک، 23 زخمی
نئی دہلی (اے پی پی) بھارت کی ریاست مہاراشٹر میں تیز رفتار منی بس ٹرالر سے ٹکرا گئی جس کے نتیجے میں 12 افراد ہلاک اور 23زخمی ہوگئے ہیں۔چینی خبررساں ادارے کے مطابق مقامی پولیس ترجمان نےمیڈیا کو بتایا کہ یہ حادثہ ممبئی سے تقریبا 268 کلومیٹر مشرق میں چھترپتی کے ضلع سمبھاج نگر کے علاقے ویجا پور میں سمردھی ایکسپریس وے پر پیش آیا۔انہوں نے بتایا کہ ریسکیو اہلکاروں اور مقامی پولیس نے ہلاک اور زخمیوں کو قریبی ہسپتالوں میں منتقل کردیا ہے ۔انہوں نے بتایا کہ پولیس نے بس اور ٹرالر کو جائے حادثہ سے ہٹا کر ہائی وے کو ٹریفک کے لیے کھول دیا ہے۔انہوں نے مزید بتایا کہ حادثے کامقدمہ درج کرکے مزید تحقیقات شروع کر دی گئی ہیں۔
