کراچی (نیٹ نیوز) پیپلزپارٹی کے سینئر رہنما اور سابق چیئرمین سینٹ رضا ربانی نے کہا کہ فلسطین کی آزادی تک مظلوموں کی حمایت جاری رکھیں گے۔ پیپلزپارٹی کے سینئر رہنما سینیٹر رضاربانی نے لیاری میں جلسے سے خطاب کرتے ہوئے کہا کہ فلسطین میں ہونے والے ظلم و بربریت کی شدید مذمت کرتا ہوں، شہید ذوالفقار علی بھٹو نے فلسطین کے لئے آواز اٹھائی تھی۔ ذوالفقار علی بھٹو کا فلسطینی رہنما یاسر عرفات سے قریبی رشتہ تھا، لیاری کا بھی فلسطین سے تعلق ہے، یہاں لیاری میں بم برسائے گئے، بینظیر بھٹو پر کار ساز پر بم برسائے گئے، اس میں بھی لیاری والے ساتھ تھے۔