ڈی آئی خان (نوائے وقت رپورٹ) انڈس ہائی وے پر مسافر بس حادثے کا شکار ہو گئی جس کے نتیجے میں 4 افراد جاں بحق اور 20 زخمی ہو گئے۔ مسافر بس رکشہ کو بچاتے ہوئے نور والہ کے قریب الٹ گئی، جاں بحق ہونے والوں میں 2 سالہ بچہ، 2 خواتین اور رکشہ ڈراﺅیر شامل ہیں۔ حادثے کے نتیجے میں 25 افراد زخمی بھی ہوئے، زخمیوں میں 10 افراد کی حالت تشویشناک ہے جبکہ 11 افراد کو موقع پر فرسٹ ایڈ فراہم کی گئی۔ زخمی افراد اور جاں بحق ہونے والوں کی نعشیں ہسپتال منتقل کر دی گئی ہیں۔